رواية غلطة في الحلال الفصل الرابع 4 بقلم مني ميشيل

للأسف مش هقدر اودعه انا ممكن اسامحه بس على ايه .. هو عايز مبرر وانا مش عارفه اقول ايه .. قصتنا خلصت قبل ما تبدأ خلصت وانا مش عارفة ايه السبب .. ولا فعلا هي مكانتش قصة عشان تتحكي ؟؟

سندت راسي على شباك الطائرة و بجهز نفسي عشان تقلع و نروح لندن

قعدت في العربية وانا ساند راسي على الشباك شعور مؤلم ان الشخص اللي بتفضفضله وبيساعدك ومتقبلك في كل حالاتك يبعد عنك بدون مبررات ولا حتى سلام .. شغلت العربية ودوست بنزين في ٱتجاه البحر .. الوحيد اللي ممكن يتقبلني بعدها هي .. نورا ..شلت الشوز و اخدته في ايدي و بدأت اتمشى في الرمل .. الشروق و مية البحر الباردة بتمسح على قلبي بكل حنو و بتحاول تنسيني بعدها ..

الحقيقة مكانتش حاجة تتعمل بعدما اوصل غير اوضب الشقة بتاعتي و اخد شاور وانام و نمت فعلا..

“لابسة بليزر اسود و بنطلون وايد ليدج اسود بحزام اسود حلق فضي و سنسال فضي simple… و مسيبة شعري البني الفاتح و ميكب لايق”

وانا بجهز بصيت لنفسي من المرآة و بقول بإعجاب_طول عمرك جميلة يابت اخدت صورة وحطيتها في حسابي الانستغرام

خرجت ركبت تاكسي و وجهتي الشركة

دخلت بكل ثقة وانا ببص في جميع النواحي بدون خوف ولا حتى رهاب وقفت قدام السكرتيرة وافضل حاجة انهم عرب

بصيت لها بقوة_معاكِ نورا إسلام من فرع القاهرة

قيمتني بنضراتها و …